Indholdsfortegnelse

Videokkut nakorsiartitsinermut app-ip Puisap Tunniunneqarnissaanut piumasaqaatit

App-ip taassuma aaneragut imal. app-ip taassuma oqarasuaatinni angallattakkami smartphonimi imal. tablet-mi atorneragut, tunniunneqarnerani piumasaqaatit taakku akuerissavatit.

App-imik inerisaasut:

Danmarkimi Medconnect Aps, Titangade 11, 2200 København N, suleqatigalugu Nunatsinni Peqqinnissaqarfik (Peqqinnissaqarfik), Jens Kreutzmannip aqq. 11, Postbox 1001, 3900 Nuuk inerisaasuupput.

Peqqinnissaqarfiup immikkoortuata napparsimasullu angerlarsimaffiata akornanni nakorsiartitsisarnissaq, napparsimasut ataasiakkaat peqqinnissaqarfiup neqeroorutaanut periarfissinneqarnissaannik ajornaannerulersitsinissaq, app-imi siunertaavoq.

Pisinnaatitaaffiit

App-i Peqqinnissaqarfimmit ilinnut atugassatut neqeroorutaavoq.

App-mik atuisinnaaneq kisiat angussavat. Atuisinnaatitaaneq inummut namminermut killeqarpoq niuerniutaassananilu. Atuisinnaatitaaninnut, pilersitsisinnaaneq- tamatumunngalu atatillugu nutsernerit, aaqqisuussinerit, naqqiinerit, assiliinerit imal. app-imik nassiussuinerit ilaanngillat. Taamaalilluni app-imik aallernerit arlaannaatigulluunniit Peqqinnissaqarfiup pisinnaatitaaffiinut tigussaanngitsunut akuersissummik pissarsiviusinnaanngilat.

Peqqinnissaqarfiup akisussaaffia

App-i smartphoninnut imal. tabletinnut akeqanngitsumik aaneqarsinnaavoq, peqqinnissaqarfiullu immikkoortuanik videokkut oqaloqateqarnissamik isumaqatigiissuteqarnermut atatillugu atorneqassalluni.

Taamaalilluni app-imik atuisutut ajoqusissaguit Peqqinnissaqarfik akisussaatinneqarsinnaanngilaq. Tamatuma saniatigut app-imik aallernermut imal. atuinermut, imal. oqarasuaatinni/qarasaasianni pissarsiassaannginneranut pissarsiassaajunnaarneranulluunniit atatillugu aningaasaqarnermut- tamatumunngaluunnit tunnganngitsumik annaasaqarnermut Peqqinnissaqarfik akisussaatinneqarsinnaanngilaq.

App-ip atorneqarnissaa

Nakorsiartitsinermut app-i Puisa, illit peqqinnissaqarfiullu immikkoortuata akornanni videokkut nakorsiartitsinermi atorneqassaaq. App-i taamaallaat pilersaarusiukkamik isumaqatigiissuteqaruit atorsinnaavat.

Nakorsiartitsinermut app-i Puisa ikkukkukku, oqarasuaammi mikrofonip assiliiviullu app-imit atorneqarsinnaanerannut akuersissaatit. Taakkumi tassaapput illit peqqinnissaqrfimmillu sulisut videokkut oqaloqatigiinnermi immissinnut takusinnaanissassinnut tusaasinnaanissassinnullu atorneqartussat.

Isumaqatigiissutit ulloq taanna takusinnaanngikkukku, oqarasuaatikkut aggersarneqarninnut atatillugu SMS-imi imal. e-mailimi ilisimatitsissutaasoq atorlugu Peqqinnissaqarfik attavigissavat.

Teknikkinnut ajornartorsiuteqaruit puisa.gl/help imit ikiorserneqarsinnaavutit. Peqqinnissaqarfik mailikkut: sund@peqqik.gl imal. oqarasuaatikkut: 344334 ulluinnarni nal. 9-16 attavigisinnaavataaq.

App-i paasissutissanik inunnut ataasiakkaanut tunngasunik suliaqarpa?

Inuit ataatsiakkaat pillugit paasissutissat tassaapput paasissutissat suulluunniit toqqaannartumik toqqaannanngitsumilluunniit inuk pillugu arlaannik oqaluttuarsinnaasut. Taakku tassaasinnaapput ateq, cpr.nr., timikkut tarnikkulluunniit peqqissutsimut tunngasut, paasissutissat nappaatinut tunngasut, assit allallu.

Inuit ataasiakkaat pillugit paasissutissat assigiinngitsorpassuarnut atorneqarsinnaapput. Tamanna paasissutissat inunnut ataasiakkaanut tunngasut katersorneqarnerannik, aaqqisuunneqarnerannik, allanngortinneqarnerannik, ataatsimut ingerlanneqarnerannik imal. avitseqatigiissutaanerannik isumaqarsinnaavoq.

Videokkut nakorsiartitsinermut app-imi Puisami paasissutissat, illit atinnut, CPR-normunnut, qarasaasiakkut attaveqatigiinnermi normumut nammineq pigisannut (IP adresse), sullississummik atuininni toqqorsivimmut kiisalu napparsimmavimmi immikkoortumut immikkulluunniit nakorsiartitsivimmut sorlermut innersuunneqarsimaninnut tunngasut atortarpavut.

App-imik nutarterineq

App-imik nutarterinerit Peqqinnissaqarfimmit periarfissiissutaasinnaapput. Nutarterinerit app-imi teknikkimut imarisaanulluunniit sunilluunniit tunngassuteqarsinnaapput. Tamatigut app-ip nutartertarnissaa innersuussutaavoq. Nutarterlaamik aallernikkut taamaaliussaatit. App-ip nutartertannginneragut app-i atorsinnaajunnaarsinnaavoq atorsinnaaneraluunniit killeqalersinnaalluni.

Peqqinnissaqarfiup app-imik neqeroornini sukkulluunniit unitsissinnaavaa. Tamanna ilinnut immikkut sioorasaarutaaqqaarani pisinnaavoq. Taamaatitsinerup illit app-imik atuiunnaarnissat kingunerissavaa taassumalu illit oqarasuaatinnit/qarasaasiannit peerneqarnissaanik pisussaaffiliissalluni.

Internetsikkut sullississut

Taanna Internetsimi paasissutissanik aallernermi sullississut (browser) aqqutigalugu aamma pissarsiarineqarsinnaavoq. Taamaattunik atuineq hackerneqarsimasinnaanermut attuumassuteqarsinnaammat, qarasaasianik virusimut akiuussutissalikkanik nutartikkanillu hackerinuttaaq illersuusikkamik (firewall) atuinissaq sakkortuumik innersuussutigaarput.

Atugassarititaasut allat

Tunniussinissamut piumasaqaatit taakku, piumasaqaatit atuuttut App Store-imi Google Playimilu pissarsiassaatillugit Peqqinnissaqarfimmit allanngortinneqarsinnaapput.

Tunniussinissamut piumasaqaatit taakku pillugit apeqqutissaqaruit uunga: sund@peqqik.gl saaffiginnissinnaavutit.

Paasissutissat qanoq atorneqarnerat pillugu politikki

Paasissutissat ilinnut tunngasut Peqqinnissaqarfimmit atorneqarmata, immikkut ittumik paasissutissinneqarnissaq pisinnaatitaaffigaat. Paasissutissat taakku, paasissutissat inunnut ataasiakkaanut tunngasut suut atorneqarnerat, suna siunertaanersoq il.il. paasinissaannut iluaqutigissavatit.

Paasissutissat ilinnut tunngasut atorneqarnissaat kissaatiginngikkukku, app-i atorsinnaanngilat.

Peqqinnissaqarfik paasissutissanut akisussaasuuvoq

Nittartakkamik app-imilluunniit atuininni, paasissutissat ilinnut tunngasut uatsinnit atorneqarneranni, Peqqinnissaqarfik paasissutissanut akisussaasuuvoq. Paasissutissanut akisussaasuuneq Peqqinnissaqarfiup inatsit naapertorlugu taamaallaat paasissutissanik atuisoqarneranik, kiisalu paasissutissat inunnut ataasiakkaanut tunngasut allanut isertuunneqarlutik isumannaatsumillu atorneqarnissaannut toqqortarineqarnissaannullu akisussaasuuneranik isumaqarpoq.

Peqqinnissaqarfimmut attaveqarusuttunut paasissutissat:

Jens Kreutzmannip aqq. 11
Postbox 1001
3900 Nuuk
Oqarasuaat: 344000
Maili: sundhedsledelsen@peqqik.gl

Paasissutissat ilinnut tunngasut suliarineqarnissaannut siunertat

Paasissutissat ilinnut tunngasut, Peqqinnissaqarfiup immikkoortuanut innersuussiviusumut toqqaannartumik videokkut attaveqarnissamut qulakkeerisuupput.

Paasissutissat suliarineqartut inunnut ataasiakkaanut tunngasut

Tunngaviusumik paasissutissat ilinnut tunngasut illit aqqusaartukkannut naapertuuttut kisimik atorneqartarput. Paasissutissat inunnut ataasiakkaanut tunngasut ass. makku atorneqarsinnaapput:

  • Paasissutissat inunnut ataasiakkaanut tunngasut nalinginnaasut: Ateq, cpr.nr., e-maili, oqarasuaatip normua.
  • Paasissutissat inunnut ataasiakkaanut tunngasut immikkut ittut ("paasissutissat inunnut ataatsiakkaanut tunngasut "): Peqqissutsimut tunngasut. Tassaasinnaasoq Peqqinnissaqarfiup ilinnik innersuussiviusup aqqa.

Paasissutissat ilinnut tunngasut suliarineqarnissaannut inatsisitigut tungavik

Paasissutissanik ilinnut tunngasunik nittartakkamit imal. app-imit atuinissamut- inatsimmik eqquutitsisunik- assigiinngitsunik maleruagassaqarpoq.

Maleruagassat ataani nassuiarneqarput:

  • Nalinginnaasumik nakorsaanissami paasissutissat inunnut ataasiakkaanut tunngasut peqqinnissaq pillugu inatsit tunngavigalugu atorneqartarput
  • Paasissutissat inunnut ataasiakkaanut tunngasut atorneqartarnerat pillugu inatsisip Kalaallit Nunaannut atuutilersinneqarnera pillugu peqqussut oktober 2016-imeersoq.

Paasissutissat ilinnut tunngasut suminngaanneerpat

Nittartakkamik app-imilluunniit atuinerit tunngavigalugu paasissutissat ilinnut tunngasut immikkut toqqakkat atorneqassapput. Paasissutissat taakku assigiinngitsuneersuusinnaapput. Ilinnut attaveqarnermi paasissutissanik ilinnut tunngasunik pisariaqartitanit annertunerusunik pissarsisoqassanngilaq. Paasissutissat inunnut ataasiakkaanut tunngasut ilaatigut suminngaanneersinnaanerat ataani nassuiarneqarpoq:

  • ilinnit
  • peqqinnissakkut sullissisunit allanit, kommunimit allaniillu.

Attavigisat ataasiakkaat ataatsimoortulluunniit

Sullississummik tunniussisoq tassatuaavoq videokkut oqaloqatigiissitsisinnaasoq, peqqinnissaqarfiullu immikkoortuanik videokkut attaveqarsimaninnik takunnissinnaasoq. Tunniussisup peqqinnissaqarfiup immikkoortuanut suna oqaloqatigiissutigisimanerit takusinnaanagulu tusaasinnaanngilaa.

Paasissutissanik suliaqartartunik atuineq

Peqqinnissaqarfik avataaneersunik sullinneqarpoq. Sullissisut taakku paasissutissanik suliaqarnissamut/atuinissamut Isumaqatigiissusiorfigineqartarput. Sullissisup Peqqinnissaqarfimmi inuit ataasiakkaat pillugit paasissutissanik qanoq atuisinnaanerat, paasissutissanik atuinissamut isumaqatigiissummi nassuiarneqarpoq. Paasissutissanik atuisinnaanermut isumaqatigiissuteqarnikkut paasissutissat inunnut ataasiakkaanut tunngasut isumannaatsumik allanullu isertuullugit atorneqarnissaat qulakkeerneqarpoq.

Sullissisoq nammineq allanik sullissisoqarpat, taakkuttaaq paasissutissanik inunnut ataasiakkaanut tunngasunik isumannaatsumik allanullu isertuussillutik atuinissaat qulakkeerniarlugu taakkununnga isumaqatigiissusiortoqassaaq.

Isumannaassuseq

Peqqinnissaqarfiup paasissutissanik inunnut ataasiakkaanut tunngasunik pissarsiniarnermini, atuinermini ingerlatitseqqiinerminilu, inatsimmi atuuttumi toqqammavissat eqquutsissavai. Tamanna inatsimmit periarfissinneqarpat imal. illit akuersinikkut aatsaat, Peqqinnissaqarfiup paasissutissanik ilinnut tunngasunik suliaqarsinnaaneranik isumaqarpoq. Paasissutissat inunnut ataasiakkaanut tunngasut taamaallaat siunertanut piviusorsiortunut aalajangersimasunut atugassanngorlugit Peqqinnissaqarfimmit katersorneqarlutillu atorneqartarput. Taakku tassaasinnaapput nakorsartinneq, peqqinnissaq pillugu pilersaarusiorneq inunnillu isumaginninnermi inissatut neqeroorutit.

Inuit ataasiakkaat pillugit paasissutissat katersorneqarnerannut siunertanik eqquutitsinissamut tunngatillugu naapertuuttut, naammattut pisariallillu kisimik Peqqinnissaqarfimmit atorneqartarput. Inuit ataasiakkaat pillugit paasissutissat illersorneqarnissaannut tunngatillugu isumannaallisaanerup annertunerpaaffimminiinnissaa, Peqqinnissaqarfimmit anguniagaavoq. Taamaammat paasissutissat ilinnut tunngasut annaaneqannginnissaannik, aserorneqannginnissaannik, atornerlunneqannginnissaannik, susassaqanngitsunit ilisimaneqalinnginnissaannik imal. inatsimmut akerliusumik atorneqannginnissaannik isumaginnittussamik, Peqqinnissaqarfimmi teknikkikkut aaqqisuussaanikkullu isumannaallisaasoqarpoq.

Peqqinnissaqarfimmi ISO27001 aallaavigalugu paasissutissanik isumannaallisaaneq

Maleruagassatut/toqqammavissatut isumaqatigiissutaasut (ISO-standard) tassaapput nunat tamalaat akornanni paasissutissanut tunngatillugu isumannaallisaaneq pillugu aqutsinermi sullississummik pilersitsinissamut toqqammavissat. ISO-standardit naapertorlugit, paasissutissanik isumannaallisaanermut tunngatillugu aarlerinartoqarsinnaanera tunngavigalugu sulisoqassaaq. Taanna toqqammavissatut isumaqatigiissutaasutut periuseqarnerup suliffeqarfiit ataasiakkaat aarlerinaatilinnut qanoq sillimatiginerannik aallaaveqarnissaannik, isumannaallisaanerillu nakkutilliinerillu suliffeqarfinnut ataasiakkaanut naapertuuttut taakkorpiaat atuutilersinneqarnissaannik isumaqarpoq.

Paasissutissat ilinnut tunngasut toqqortarineqarnerat

Paasissutissat ilinnut tunngasut Peqqinnissaqarfimmit qanoq sivisutigisumik toqqortarineqartarnerat pillugu Peqqik.gl -imi paasisaqarnerusinnaavutit.

Paasissutissat ilinnut tunngasut suliarineqartillugit pisinnaatitaaffitit

Paasissutissat ilinnut tunngasut suliarineqarpata arlalinnik pisinnaatitaaffeqarputit. Pisinnaatitaaffiit taakku peqqik.gl -imi annertunerusumik paasisassarsiorfigisinnaavatit.

Paasissutissanik nakkutilliisoqarfimmut maalaaruteqarneq

Paasissutissat ilinnut tunngasut Peqqinnissaqarfimmit suliarineqarnerat naammaginngikkukku, paasissutissanik nakkutilliisoqarfimmut maalaaruteqarsinnaavutit. Paasissutissanik nakkutilliisoqarfimmut maalaaruteqarniaruit immersuissaatit. Immersugassaq paasissutissanik nakkutilliisoqarfiup nittartagaani: Datatilsynets hjemmeside pissarsiarissavat.

Pisinnaatitaaffitit maalaaruteqarsinnaanerillu pillugit paasissutissanik nakkutilliisoqarfiup nittartagaani: Datatilsynets hjemmeside annertunerusunik paasisassarsiorsinnaavutit.